دي وجهة نظر من الوجهات الكتيرة للخبر ده..... واصحابها رأيهم " ياعم الحكومة او الاخوان...... الاتنين ألعن من بعض ... ما يعتقلوا ولا يحبسوا ولا حتى يعدموا.... خليهم ياكلوا بعض"
اما المتعاطفين مع الاخوان فحيقولولك " هي الحكومة دي عايزة مننا ايه.... مش كفاية واكلين البلد ... مايسبوهم يصلحوا البلد شوية... دول حتى ناس متدينة وتعرف ربنا كويس .... ده في صلاة العيد كانوا بيفرقوا لحمة بالهبل... ده غير كيس الاطفال اللي فيه لعبة وباكويين نايتي.... باكويين مش باكو واحد شوف السخاء"
اما كرهي الاخوان فرأيهم" يلا خلي الحكومة تربيهم... اصل دول عايزين يستولوا على البلد واللي فيها... لأ وايه عايزين يرجعونا للعصر الحجري.... كل حاجة حرام..... ويمنعوا الستات تمشي في الشوارع ده ممكن كمان يمنعوا التلفزيون والعياذبالله"
وبعيدا عن كل ده انا مش حاسة بأي تعاطف لا مع الاخوان.... ولا الحكومة .... بحس انهم خصمين متناسقين جدا...... بأختصار الاتنين قادرين على بعض.... ماشي معاهم المثل اللي بيقول يداخل بين البصلة وقشرتها.... ما ينوبك الا....