أنا عارفه

أنا عارفه أنه جنبك
وسامعنى باتكلم
ولو سألك عليا قولي له
كان نفسها تسلّم
مش بيكلمنى ليه زعلان منى فى أيه
ياريتنى لو أجيله حد يصالحنى عليه


أنا مش زى ما بيقول عليا
معاة شوية وبعيد شوية
حاجات كتيرة بينسهالى
وغلطة واحدة فاكرها ليا
مش بيكلمنى لية زعلان منى فى أيه
ياريتنى لو أجيله حد يصالحنى عليه


أنا حاولت كام مرة أوصّل له
كلامى.. ولكن صعب أوصّل له
ليه لما أقول له أنا جايه أقابله
بيمشى لو عرف إنى جايه
مش بيكلمنى ليه زعلان منى فى أيه
ياريتنى لو أجيله حد يصالحنى عليه



كلمات : تامر علي,.... ألحان : نادر
عبدالله,.. توزيع : تميم